Ulkan zafar muborak!
Bu yilgi mavsumda mamlakatimiz dehqon va fermerlari g‘alla, paxta yetishtirish, shuningdek, pillachilik, chorvachilik, meva-sabzavot va boshqa tarmoqlar bo‘yicha shartnoma majburiyatini oshirib bajardi.
Munosib mehnat qilgan dehqonning sururli damlari ham ko‘p bo‘ladi. Qadagan urug‘i zamindan bosh ko‘targanda bir quvonsa, hosil barakasini ko‘rib sevinchi yanada ortadi. Har yil, har mavsum dehqonni qayta-qayta sinovdan o‘tkazadi. Rizq-ro‘zimiz bo‘lgan ekinlarni o‘stirish, ularni tabiiy ofat va ob-havo injiqliklaridan asrash, pishib yetilgan hosilni nest-nobud qilmasdan yig‘ib-terib olish, iste’molchilarga yetkazib berish – bularning bari katta sabot va tadbirkorlikni talab etadi.
Dehqon yil bo‘yi tinim bilmay mehnat qiladi. Ekinni ardoqlab, vaqtida sug‘orib, vaqtida ozig‘ini berib parvarishlaydi. Ulkan xirmon zavqi ko‘ngillarga olam-olam quvonch baxsh etadi. Chunki bu xirmon xalq nasibasi butunligiga, yurt obodligi va farovonligi yanada yuksalishiga xizmat qiladi. Shu bois bu quvonchga el-yurt birdek sherik bo‘ladi.
Bu yil mamlakatimizda 7 million 300 ming tonna g‘alla, 3 million 350 ming tonnadan ziyod paxta xirmoni yaratildi. Har yili 16 million tonnaga yaqin meva-sabzavot yetishtirilmoqda.
– Prezidentimiz Islom Karimov rahnamoligida fermerlarga yaratilayotgan imkoniyatlar muvaffaqiyatlarimizning asosiy omili bo‘lmoqda, – deydi Buxoro viloyati Peshku tumanidagi "Fattoyev" fermer xo‘jaligi rahbari Yoqub Fattoyev. – Joriy yilda 228 tonnadan ziyod “oq oltin” yetishtirdik. Samarali mehnatimizdan yuzimiz yorug‘, hayotimiz farovon bo‘lmoqda. Mavsum oxiriga qadar hosildorlikni gektaridan 50 sentnerga yetkazish niyatida mehnat qilayotirmiz.
Bu yil mamlakatimizda yetishtirilgan paxta hosilining 90 foizi yuqori navlarga topshirildi. Albatta, bu so‘nggi natija emas. Bu ko‘rsatkich yanada oshib borishi uchun yurtimizda yetarlicha sharoit yaratilgan. G‘o‘zaparvarishiga alohida e’tibor qaratilib, sug‘orish, kultivatsiya, chekanka qilish, zararkunanda va kasalliklarga qarshi kurashish, defoliatsiya kabi agrotexnik tadbirlar o‘z vaqtida tashkil etilayotgani bunda muhim omil bo‘lmoqda.
– Dehqonchilikda bir kun oylarga tatiydi, – deydi Surxondaryo viloyati Qumqo‘rg‘on tumanidagi “Saodat” fermer xo‘jaligi rahbari Saidahmad Umidillayev. – Bir necha yildan buyon g‘alla va paxta yetishtirib, bu gaplar zamirida katta hayotiy tajriba mujassam ekanini anglab yetdim. Dehqonchilikda har bir yumush vaqtida amalga oshirilmasa, ta’siri kech kuzda – g‘alvir suvdan ko‘tarilgan pallada ayon bo‘ladi. Shu bois ekinlar parvarishi davrida agrotexnik tadbirlarni o‘z vaqtida, sifatli o‘tkazamiz. Bu jarayonda mineral o‘g‘it, yonilg‘i yetkazib berish shoxobchalari bizga ko‘makdosh bo‘lib, MTPlar og‘irimizni yengil qiladi. Shartnomaviy rejani ortig‘i bilan bajardik.
Hosil sifati va salmog‘i g‘o‘zaning naviga ham bog‘liq. Seleksioner olimlarimiz yaratayotgan ingichka va o‘rta tolali g‘o‘za navlari tezpisharligi, tola sifatining yuqoriligi, kasallik va zararkunandalarga chidamliligi bilan mirishkorlarimiz e’tiborini tortmoqda. Davlatimiz rahbari tomonidan fermerlarga ko‘rsatilayotgan yuksak e’tibor va g‘amxo‘rlik ularni yangi marralarni egallashida ko‘mak bo‘lmoqda.
Qo‘lga kiritilgan muvaffaqiyatlarda ekin maydonlarining meliorativ holati yaxshilangani muhim ahamiyatga ega bo‘ldi. Prezidentimiz Islom Karimovning 2007-yil 29-oktabrdagi “Erlarning meliorativ holatini yaxshilash tizimini tubdan takomillashtirish chora-tadbirlari to‘g‘risida”gi farmoni va 2013-yil 19-apreldagi “2013-2017-yillar davrida sug‘oriladigan yerlarning meliorativ holatini yanada yaxshilash va suv resurslaridan oqilona foydalanish chora-tadbirlari to‘g‘risida”gi qarori bunda muhim omil bo‘lmoqda. Qarorga muvofiq qabul qilingan davlat dasturi asosida melioratsiya obyektlarini qurish, rekonstruksiya qilish, ta’mirlash, tiklash, tomchilatib sug‘orish tizimini joriy etish, suv xo‘jaligi va xizmat ko‘rsatuvchi tashkilotlar moddiy-texnik bazasini mustahkamlash choralari ko‘rilmoqda. 2013-2014-yillarda 560 ming gektardan ziyod maydonning meliorativ holati yaxshilandi, kuchli va o‘rta sho‘rlangan yer maydonlari 71,3 ming gektarga qisqardi. 374,1 ming gektar sug‘oriladigan yerning meliorativ holati barqarorligi saqlab qolindi.
O‘zbekiston Qishloq va suv xo‘jaligi vazirligidan olingan ma’lumotlarga ko‘ra, erishilgan yutuqlarda ekish mavsumining uyushqoqlik bilan tashkil etilgani, agrar tarmoqqa zamonaviy texnologiyalarni joriy etish, urug‘chilik ishlarini to‘g‘ri yo‘lga qo‘yish, zararkunandalarga qarshi kurashish bilan bog‘liq chora-tadbirlar o‘z vaqtida amalga oshirilgani ham muhim omil bo‘lmoqda. Mavsumga puxta tayyorgarlik ko‘rish maqsadida paxta maydonlarida hosilning 90 foizi ochilganda terimni boshlash, toza terish bo‘yicha monitoring o‘rnatilishi va boshqa tashkiliy tadbirlar fermer xo‘jaliklarining aksariyatiga birinchi terimdayoq shartnoma majburiyatlarini bajarish imkonini berdi.
Mamlakatimizda joriy yilda g‘alla hosildorligi o‘rtacha 53 sentnerni tashkil etdi. Baliqchi, Ishtixon, Izboskan, Denov, Vobkent, Romitan, Pastdarg‘om, Toshloq, Uchqo‘rg‘on, Qiziltepa va boshqa tumanlarda hosildorlik gektaridan o‘rtacha 55-60 sentnerdan yuqori bo‘lgani fermerlarimizning qanday ulkan ishlarga qodir ekanini yana bir bor namoyon etdi.
Ayni vaqtda g‘allachilikni rivojlantirish hisobidan yurtimizda oziq-ovqat sanoati, chorvachilik va parrandachilik kabi tarmoqlar jadal rivojlanib, ichki bozorni un va non, go‘sht va sut mahsulotlari, tuxum bilan ta’minlash masalasida ilgari tasavvur ham qilib bo‘lmaydigan natijalarga erishayotirmiz.
Bugungi yuksak marralar yurtdoshlarimiz ko‘nglida ertangi kunga ishonch tuyg‘usini yanada mustahkamlab, xalqimiz turmush farovonligining yuksalishida muhim omil bo‘lmoqda.
UzA
Munosib mehnat qilgan dehqonning sururli damlari ham ko‘p bo‘ladi. Qadagan urug‘i zamindan bosh ko‘targanda bir quvonsa, hosil barakasini ko‘rib sevinchi yanada ortadi. Har yil, har mavsum dehqonni qayta-qayta sinovdan o‘tkazadi. Rizq-ro‘zimiz bo‘lgan ekinlarni o‘stirish, ularni tabiiy ofat va ob-havo injiqliklaridan asrash, pishib yetilgan hosilni nest-nobud qilmasdan yig‘ib-terib olish, iste’molchilarga yetkazib berish – bularning bari katta sabot va tadbirkorlikni talab etadi.
Dehqon yil bo‘yi tinim bilmay mehnat qiladi. Ekinni ardoqlab, vaqtida sug‘orib, vaqtida ozig‘ini berib parvarishlaydi. Ulkan xirmon zavqi ko‘ngillarga olam-olam quvonch baxsh etadi. Chunki bu xirmon xalq nasibasi butunligiga, yurt obodligi va farovonligi yanada yuksalishiga xizmat qiladi. Shu bois bu quvonchga el-yurt birdek sherik bo‘ladi.
Bu yil mamlakatimizda 7 million 300 ming tonna g‘alla, 3 million 350 ming tonnadan ziyod paxta xirmoni yaratildi. Har yili 16 million tonnaga yaqin meva-sabzavot yetishtirilmoqda.
– Prezidentimiz Islom Karimov rahnamoligida fermerlarga yaratilayotgan imkoniyatlar muvaffaqiyatlarimizning asosiy omili bo‘lmoqda, – deydi Buxoro viloyati Peshku tumanidagi "Fattoyev" fermer xo‘jaligi rahbari Yoqub Fattoyev. – Joriy yilda 228 tonnadan ziyod “oq oltin” yetishtirdik. Samarali mehnatimizdan yuzimiz yorug‘, hayotimiz farovon bo‘lmoqda. Mavsum oxiriga qadar hosildorlikni gektaridan 50 sentnerga yetkazish niyatida mehnat qilayotirmiz.
Bu yil mamlakatimizda yetishtirilgan paxta hosilining 90 foizi yuqori navlarga topshirildi. Albatta, bu so‘nggi natija emas. Bu ko‘rsatkich yanada oshib borishi uchun yurtimizda yetarlicha sharoit yaratilgan. G‘o‘zaparvarishiga alohida e’tibor qaratilib, sug‘orish, kultivatsiya, chekanka qilish, zararkunanda va kasalliklarga qarshi kurashish, defoliatsiya kabi agrotexnik tadbirlar o‘z vaqtida tashkil etilayotgani bunda muhim omil bo‘lmoqda.
– Dehqonchilikda bir kun oylarga tatiydi, – deydi Surxondaryo viloyati Qumqo‘rg‘on tumanidagi “Saodat” fermer xo‘jaligi rahbari Saidahmad Umidillayev. – Bir necha yildan buyon g‘alla va paxta yetishtirib, bu gaplar zamirida katta hayotiy tajriba mujassam ekanini anglab yetdim. Dehqonchilikda har bir yumush vaqtida amalga oshirilmasa, ta’siri kech kuzda – g‘alvir suvdan ko‘tarilgan pallada ayon bo‘ladi. Shu bois ekinlar parvarishi davrida agrotexnik tadbirlarni o‘z vaqtida, sifatli o‘tkazamiz. Bu jarayonda mineral o‘g‘it, yonilg‘i yetkazib berish shoxobchalari bizga ko‘makdosh bo‘lib, MTPlar og‘irimizni yengil qiladi. Shartnomaviy rejani ortig‘i bilan bajardik.
Hosil sifati va salmog‘i g‘o‘zaning naviga ham bog‘liq. Seleksioner olimlarimiz yaratayotgan ingichka va o‘rta tolali g‘o‘za navlari tezpisharligi, tola sifatining yuqoriligi, kasallik va zararkunandalarga chidamliligi bilan mirishkorlarimiz e’tiborini tortmoqda. Davlatimiz rahbari tomonidan fermerlarga ko‘rsatilayotgan yuksak e’tibor va g‘amxo‘rlik ularni yangi marralarni egallashida ko‘mak bo‘lmoqda.
Qo‘lga kiritilgan muvaffaqiyatlarda ekin maydonlarining meliorativ holati yaxshilangani muhim ahamiyatga ega bo‘ldi. Prezidentimiz Islom Karimovning 2007-yil 29-oktabrdagi “Erlarning meliorativ holatini yaxshilash tizimini tubdan takomillashtirish chora-tadbirlari to‘g‘risida”gi farmoni va 2013-yil 19-apreldagi “2013-2017-yillar davrida sug‘oriladigan yerlarning meliorativ holatini yanada yaxshilash va suv resurslaridan oqilona foydalanish chora-tadbirlari to‘g‘risida”gi qarori bunda muhim omil bo‘lmoqda. Qarorga muvofiq qabul qilingan davlat dasturi asosida melioratsiya obyektlarini qurish, rekonstruksiya qilish, ta’mirlash, tiklash, tomchilatib sug‘orish tizimini joriy etish, suv xo‘jaligi va xizmat ko‘rsatuvchi tashkilotlar moddiy-texnik bazasini mustahkamlash choralari ko‘rilmoqda. 2013-2014-yillarda 560 ming gektardan ziyod maydonning meliorativ holati yaxshilandi, kuchli va o‘rta sho‘rlangan yer maydonlari 71,3 ming gektarga qisqardi. 374,1 ming gektar sug‘oriladigan yerning meliorativ holati barqarorligi saqlab qolindi.
O‘zbekiston Qishloq va suv xo‘jaligi vazirligidan olingan ma’lumotlarga ko‘ra, erishilgan yutuqlarda ekish mavsumining uyushqoqlik bilan tashkil etilgani, agrar tarmoqqa zamonaviy texnologiyalarni joriy etish, urug‘chilik ishlarini to‘g‘ri yo‘lga qo‘yish, zararkunandalarga qarshi kurashish bilan bog‘liq chora-tadbirlar o‘z vaqtida amalga oshirilgani ham muhim omil bo‘lmoqda. Mavsumga puxta tayyorgarlik ko‘rish maqsadida paxta maydonlarida hosilning 90 foizi ochilganda terimni boshlash, toza terish bo‘yicha monitoring o‘rnatilishi va boshqa tashkiliy tadbirlar fermer xo‘jaliklarining aksariyatiga birinchi terimdayoq shartnoma majburiyatlarini bajarish imkonini berdi.
Mamlakatimizda joriy yilda g‘alla hosildorligi o‘rtacha 53 sentnerni tashkil etdi. Baliqchi, Ishtixon, Izboskan, Denov, Vobkent, Romitan, Pastdarg‘om, Toshloq, Uchqo‘rg‘on, Qiziltepa va boshqa tumanlarda hosildorlik gektaridan o‘rtacha 55-60 sentnerdan yuqori bo‘lgani fermerlarimizning qanday ulkan ishlarga qodir ekanini yana bir bor namoyon etdi.
Ayni vaqtda g‘allachilikni rivojlantirish hisobidan yurtimizda oziq-ovqat sanoati, chorvachilik va parrandachilik kabi tarmoqlar jadal rivojlanib, ichki bozorni un va non, go‘sht va sut mahsulotlari, tuxum bilan ta’minlash masalasida ilgari tasavvur ham qilib bo‘lmaydigan natijalarga erishayotirmiz.
Bugungi yuksak marralar yurtdoshlarimiz ko‘nglida ertangi kunga ishonch tuyg‘usini yanada mustahkamlab, xalqimiz turmush farovonligining yuksalishida muhim omil bo‘lmoqda.
UzA