Asosiy menu

"O`zdonmahsulot" AK yangiliklari

O‘rim qizg‘in davom etmoqda

O‘rim qizg‘in davom etmoqda

Qoraqalpog‘iston Respublikasi Nukus tumanida g‘alla hosilini qisqa muddatlarda nest-nobud qilmay o‘rib-yig‘ib olish ishlari qizg‘in davom etmoqda. 6 ming 100 gektar maydonda yetishtirilgan g‘alla hosilini o‘rib-yig‘ib olish uchun 18 kombayn, 40 yuk mashinasi, 10 yoqilg‘i yetkazib beruvchi ko‘chma agregat va 11 ko‘chma ta’mirlash ustaxonasi jalb etilgan. Yig‘ishtirib olingan hosil qabul qilish shoxobchalariga peshma-pesh yetkazib berilmoqda.

“G‘alla – 2016” - PESHQADAMLAR MARRADA

“G‘alla – 2016” - PESHQADAMLAR MARRADA

Tabiatning bebaho ne’matlaridan biri g‘alladir. Dehqonlarimiz uni yetishtirish uchun qishning izg‘irinli, seryog‘in kunlarida ham, yozning jaziramasida ham shirin jonini ayamasdan ter to‘kadi. Mardu maydon bobodehqonlarimiz ayni kunlarda mehnatining samarasini yig‘ib-terib olishayotir. Ular bugun fermer degan zamonaviy nom bilan elimiz dasturxonini to‘kin qilishga o‘zlarining beminnat hissalarini qo‘shishmoqda.

Korporativ boshqaruv kodeksi tavsiyalarini o'z faoliyatiga qabul qilish

Korporativ boshqaruv kodeksi tavsiyalarini o'z faoliyatiga qabul qilish

“O'zdonmahsulot” AK yakka aktsiyador qarorining 2016 yil 24 iyundagi qarori bilan kompaniyaya tomonidan 2016 yil 24 iyundan boshlab Aktsiyadorlik jamiyatlari faoliyatining samaradorligini oshirish va korporativ boshqaruv tizimini takomillashtirish komissiyasi yig'ilishining 2016 yil 31 dekabrdagi 9-sonli bayonnomasi bilan tasdiqlangan Korporativ boshqaruv kodeksiga rioya qilish majburiyati qabul qilindi.

Fermerlar uchun amaliy seminar

Fermerlar uchun amaliy seminar

Bekobod tumanida Toshkent va Sirdaryo viloyatlari fermerlari ishtirokida “O‘zbekiston fermerlari – dunyo e’tirofida” mavzusida amaliy seminar o‘tkazildi. Tadbirkorlar va ishbilarmonlar harakati – O‘zbekiston liberal-demokratik partiyasi siyosiy kengashi ijroiya qo‘mitasi hamda O‘zbekiston Fermerlari kengashi hamkorligida tashkil etilgan tadbirda “O‘zbekoziqovqatxolding” xolding kompaniyasi, “O‘zbekoziqovqatzaxira” uyushmasi, “O‘zagroeksport” ixtisoslashtirilgan tashqi savdo kompaniyasi, O‘zbekiston Tashqi iqtisodiy faoliyat milliy banki huzuridagi Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi vakillari, ekspert-mutaxassislar hamda fermerlar ishtirok etdi.

Sog'lom bola yurt kelajagi

Sog'lom bola yurt kelajagi

Mamlakatimizda ulg'ayib kamol topayotgan yosh avlod ertamiz egasi, yurtimizning porloq kelajagi davomchilari sanaladi. Aynan shuning uchun ularni ham jismonan, ham ma'nan etuk, sog'lom qilib voyaga etkazish masalasiga hukumat darajasida alohida e'tibor qaratilib kelinmoqda. O'zbekiston Respublikasi Prezidenti tomonidan yurtimizda 2016 yil “Sog'lom ona va bola yili” deb e'lon qilinib, joriy yil 9 fevralda Davlat dasturi tasdiqlanganligi yosh avlod kamolotiga qaratilayotgan yuksak e'tibordan dalolatdir. Dasturda “Ona va bola sog'lom bo'lsa, oila baxtli, oila baxtli bo'lsa, jamiyat mustahkam bo'ladi” degan oliy qadriyat va g'oyani jamiyatimizda teran anglash va qaror toptirish, oilani, onalik va bolalikni muhofaza qilish tizimini takomillashtirish, jamiyatda onalarga alohida hurmat-ehtirom muhitini mustahkamlash, barkamol avlodni tarbiyalash, oila institutini mustahkamlashda davlat hokimiyati organlari va jamoat tashkilotlarining hamkorligini kuchaytirishga qaratilgan kompleks chora-tadbirlar ko'zda tutilgan.