Jizzax shahridagi “Markaziy” dehqon bozorida Yangi yil bayrami munosabati bilan tashkil etilgan savdo yarmarkalari shu kunlarda yanada gavjum. Qishloq xo‘jaligi mahsulotlari ta’minotini barqarorlashtirishda muhim ahamiyat kasb etayotgan mazkur savdo yarmarkalarida aholiga sifatli xizmat ko‘rsatish uchun barcha qulaylik yaratilgan. 100 ga yaqin rastada sarxil mevalar, sabzavot, poliz, go‘sht, sut va sut mahsulotlari arzon narxlarda sotilmoqda. Elektron to‘lovni amalga oshirish uchun terminallar o‘rnatilgan. Mahsulotlar Baxmal, G‘allaorol, Do‘stlik, Jizzax, Zarbdor, Zomin, Forish, Paxtakor tumanlari fermer xo‘jaliklari tomonidan peshma-pesh yetkazib berilmoqda.

Tadbirkorlik subyektlariga davlat xizmatlari ko‘rsatish sifati va samaradorligini oshirish maqsadida tuman va shahar hokimliklari huzurida tashkil etilayotgan “Yagona darcha” markazlari 2016-yilning 1-yanvaridan e’tiboran faoliyat boshlaydi. Prezidentimizning 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni ta’minlash, ularni jadal rivojlantirish yo‘lidagi to‘siqlarni bartaraf etish chora-tadbirlari to‘g‘risida”gi farmoni va 2015-yil 28-sentabrdagi “Tadbirkorlik subyektlariga “Yagona darcha” tamoyili bo‘yicha davlat xizmatlari ko‘rsatish tartibini yanada takomillashtirish chora-tadbirlari to‘g‘risida”gi qarori bu borada muhim dasturilamal bo‘layotir.

Mamlakatimizda yangi yilni katta shod-xurramlik, ahillik va hamjihatlikda kutib olish, joylarda jamoat tartibi va xavfsizligini saqlash yuzasidan keng ko‘lamli ishlar amalga oshirilmoqda. O‘zbekiston «Mahalla» xayriya jamoat fondidan ma’lum qilishlaricha, Yangi yil bayramini yuqori saviyada, tinch-osoyishta va tartibli o‘tkazish barcha fuqarolarning vazifasi ekanligi va ushbu bayramni ko‘tarinki kayfiyatda nishonlashga doir tavsiyalar joylarda o‘tkazilayotgan uchrashuvlarda aholiga keng tushuntirilmoqda.

Samarqandda Prezidentimizning O‘zbekiston Respublikasi Konstitutsiyasi qabul qilinganining 23-yilligiga bag‘ishlangan tantanali marosimdagi “Asosiy vazifamiz – jamiyatimizni isloh etish va demokratlashtirish, mamlakatimizni modernizatsiya qilish jarayonlarini yangi bosqichga ko‘tarishdan iborat” nomli ma’ruzasining mazmun-mohiyatini keng targ‘ib qilishga bag‘ishlangan anjuman o‘tkazildi. O‘zbekiston “Adolat” sotsial-demokratik partiyasi viloyat kengashi tashabbusi bilan tashkil etilgan tadbirda partiya faollari va boshlang‘ich tashkilotlar yetakchilari, mahalliy Kengashlar deputatlari, jamoat tashkilotlari vakillari va yoshlar ishtirok etdi.

Inson hayotga kelibdiki, o‘zini anglay boshlabdiki faqat bir narsaga intiladi. Bu erkinlik. Erkinlik aslida juda ko‘plab bilim sohalari, birinchi navbatda huquqshunoslik va deyarli barcha ijtimoiy-gumanitar fanlar tomonidan ishlatiladigan falsafiy tushuncha hisoblanadi. Boshqa ma’noda erkinlik tushunchasi insonning o‘z hoxish-istagi, mayllari, ehtiyoji bo‘yicha faoliyat yuritishga undaydigan holatdir.